नुवाकोट जिल्ला, भद्रुटार, खत्रीवेँसी स्थित श्री खोक प्रसाद सिटौलाज्यूले समाजलाई दान गर्नुभएको तीन रोपनी जमिनमा तत्कालीन सिटौला सेवा समाज नेपालका अध्यक्ष श्री जनार्दन सिटौलाज्यूको नेत्रित्वमा कूलायन (गंगाधरेश्वर महादेव) मन्दिर निर्माण गरिएको छ । सिटौला बन्धुहरुको प्रामाणिक तथा आधिकारिक उद्गम स्थल नुवाकोट जिल्लामा उपयुक्त स्थानको खोजी गर्दा नुवाकोटका दाता बन्धुहरुबाट उक्त स्थान उपलब्ध गराईएको थियो । स्वदेश तथा विदेशमा फैलिएर रहेका भारद्वाज गोत्रीय सिटौला बन्धुहरुलाई एकता वद्ध गरी भाइचरा र भातृत्वको विकास गर्न सबैलाई एकै सुत्रमा आवद्ध गर्ने उद्धेश्यले उक्त स्थानमा देश-विदेशमा रहेका बन्धहरुबाट प्राप्‍त सहयोगमा एउटा कुलायन मन्दिर निर्माण गरिएको छ । यसमा अरु गर्नुपर्ने धेरैकामहरु बाँकी छन् । यति हुदाहुदै पनि उक्त मन्दिरमा तुरुन्तै गर्नुपर्ने काम भनेको मन्दिर क्षेत्रको सम्रक्षण गर्न वरिपरी सुरक्षा वाल लगाउनु पर्ने र प्रवेशद्वार निर्माण गर्नुपर्ने आवश्यकता देखिन्छ । हालसम्म उक्त मन्दिर निर्माण गर्न उपर्युक्त बमोजिम नाम उल्लेख गरिएका मनकारी दाता-बन्धुहरुबाट नगद तथा जिन्सी सहयोग प्राप्‍त भएको छ । उक्त मन्दिर क्षेत्रको संम्रक्षण, विकास र मन्दिर सञ्‍चालन गर्न सिटौला सेवा समाज नेपाल, सबै बन्धुहरुलाई सहयोगको लागि हार्दिक आवाहन गर्दछ ।

मन्दिरमा जिन्सी सहयोग गर्ने बन्धुहरुमाः

१. सर्वोच्च अदालतका पूर्व न्यायाधिश सिटौला सेवा समाज नेपालका पूर्व अध्यक्ष श्री मोहन प्रकाश सिटौलाज्यूले मन्दिरमा ठूलो घण्टा प्रदान गर्नु भएको छ ।

२. मेदिबुङ्ग, ताप्लेजुङ्ग निवासी स्व. नेत्रप्रसाद सिटौलाका धर्मपत्‍नीहरु श्री दिलमाया तथा भागिरथा सिटौलाले संयुक्त रुपमा सिटौला वंशका सबै दिवंगत आमाहरु एवं पितृहरुको नाममा शिवलिङ्ग प्रदान गर्नु भएको छ ।

३. सिटौला वंशावली संकलक, सम-आदरयीय मास्टर स्व. तुलसी प्रसाद सिटौलाका जेष्ठ सुपुत्र, उक्त मन्दिरमा श्रीमत् भागवत पुराण लगान नेतृत्व गर्ने, आदरणीय व्यक्तित्व श्री टिका प्रसाद सिटौलाज्यूले मन्दिरको गजुर प्रदान गर्नु भएको छ ।

४. ललितपुर जिल्ला, एकान्तकुना निवासी श्री विनोद सिटौला तथा वहाँकी धर्मपत्‍नी श्री बविता सिटौलाज्यूले संयुक्त रुपमा चाँदीको जलहारी प्रदान गर्नुभएको छ।

५. यातायात व्यवसाही महासंघका तत्कालीन महासचिव तथा यस समाजका सल्लाकार श्री सरोज सिटौला तथा वहाँकी धर्मपत्‍नी, सि. से. स. नेपालकी केन्द्रिय सदस्य श्री पद्मा सिटौलाज्यूले संयुक्त रुपमा मन्दिरमा स्थापित शिवलिङ्ग सँगै रहेको नन्दी प्रदान गर्नुभएको छ ।

६. नुवाकोट जिल्ला थानापति, हाल बशुन्धरा, काठमाण्डौ निवासी यस समाजका महासचिव श्री हरि सिटौलाज्यूले मन्दिरमा शिव पाञ्‍चायन मध्ये विष्णुको मूर्ति प्रदान गर्नुभएको छ ।

७. नुवाकोट जिल्ला, चुहाण्डाँडा निवासी, सिटौला सेवा समाज नेपाल, नुवाकोट शाखाका सदस्य श्री महेश प्रसाद सिटौलाज्यूले मन्दिरमा शिव पाञ्‍चायन मध्ये गणेशको मूर्ति प्रदान गर्नु भएको छ।

८. पुर्ख्यौली बसोबास आठराइ, तेह्रथुम खाम्लालुङ्ग, हाल झापा जिल्ला, दमक न.पा. वडा नं.- ६ निवासी, सिटौला सेवा समाज नेपालका आजीवन सदस्य श्री कृष्ण प्रसाद सिटौलाज्यूले मन्दिरमा शिव पाञ्‍चायन मध्ये देवीको मूर्ति प्रदान गर्नु भएको छ ।

९. नाम उल्लेख गर्न नचाहने बन्धुले मन्दिरमा स्थापित नन्दीसँगै रहेको हनुुमानको मूर्ति प्रदान गर्नु भएको छ ।

१०. नुवाकोट जिल्ला, भद्रुटार, हाल रानीबारी काठमाण्डौ निवासी, सिटौला सेवा समाज नेपालकी केन्द्रिय सदस्य श्री ज्ञानी खरेल सिटौलाले विष्णुको मूर्तिसँगैको बाशुकी नागको मूर्ति प्रदान गर्नुभएको छ ।